Mauro Icardi është një lojtar i Paris Saint Germain. Sulmuesi argjentinas ka pranuar transferimin në Paris, në huazim, duke vendosur firmën mbi kontratën prej 10 milionë euro. Inter do të përfitojë 5 milionë euro për huazimin, ndërsa verën e ardhshme PSG do të ketë të drejtën e blerjes, por duke paguar 65 milionë euro. Icardi do të mbajë fanellën me numër 18, por operacioni u krye ashtu si donte Inter. I padëshiruari u largua, transferimi do të kryehet me cmimin e kërkuar nga italianët dhe klubi ka ruajtur të drejtën për kontrollin e lojtarit, edhe nëse parisienët vendosin të mos e blejnë përfundimisht.
“Krenar që jam parisien”. E shkuan tre herë Mauro Icardi, për të qenë i sigurtë se koncepti është i qartë për të gjithë. Tre postime me foto të ndryshme e mesazhi identik. Pas muajsh heshtje e inatesh, argjentinasi kthehet të buzëqeshë, ndërsa tregon fanellën e tij të re. Inter është harruar që tani, edhe pse zyrtarisht për momentin është larguar vetëm në huazim.
“Falenderoj Paris Saint-Germain për besimin që më tregoi – ka thënë Maurito për faqen zyrtare të klubit – Dò të jap maksimumin për të ndihmuar skuadrën të arrij sa më larg të jetë e mundur në të gjitha kompeticionet. Psg është bërë një klub i madh i futbollit botëror që ka tërhequr lojtarë të mëdhenj në vitet e fundit. Këtu në Paris, ambicjet janë të larta e jam i sigurtë që janë të gjitha mundësitë për ti arritur. Mezi pres të zbuloj Parc de Prince, një stadium i famshëm për bukurinë dhe ngrohtësinë e tij”.
Très heureuse d’être à Paris!! Merci @PSG_inside
— wan (@wandaicardi27) September 2, 2019