• |
ide | kryesore

Memoriali turk/ Media franceze: Rama dhe Veliaj bëjnë shurdhmemecin, u cënua ligji

Lajme, Të fundit



Portali informativ në gjuhën frënge “Le Courrier des Balkans”, i ka kushtuar një artikull të posaçëm një prej zhvillimeve më polemike të aktualitetit në Shqipëri: ngritjes së memorialit në  shenjë nderimi të të rënëve të grushtit të dështuar të shtetit në Turqi, më 15 korrik të vitit 2016.

Në një artikull të ditës së sotme të titulluar “SHQIPËRI: Një pllakë përkujtimore për lavdinë e ERDOĞAN-it që nuk i rri mirë Tiranës”, “Les Courrier des Balkans”  shkruan për kundërshtitë e forta që ngjalli në vend në radhët e opininonit publik vendimi i Bashkisë Tiranë, në fshehtësi hermetike dhe në kundërshtim me ligjet dhe rregulloret shqiptare. “Asnjë konsultim publik nuk u krye dhe qytetarët e Tiranës nuk patën mundësinë për të komentuar projektin.”- theksohet në shkrimin e medias franceze.

Në artikull nënvizohet se përurimi i memorialit kaloi në një terr informativ, pasi si kryebashkiaku Erion Veliaj dhe si kryeministri Edi Rama, “bëjnë shurdhmemecin duke mos dhënë asnjë shpjegim për zgjedhjen e vendosjes së kësaj pllake përkujtimore në park: nuk dihet se kush mori vendimin për ta ngritur atë, mbi cilën bazën juridike dhe cila procedurë u ndoq!”- shkruan ndër të tjera media franceze.

Shkrimi i plotë:

Që nga korriku i kaluar, një pllakë përkujtimore e vendosur në afërsi të liqenit artificial të parkut të madh të Tiranës, për nder të qytetarëve turq të vrarë në mbrojtje të regjimit të Presidentit Rexhep Tajip Erdogan, ka ngjallur polemikë në Tiranë.

Në një pllakë betoni, janë gdhendur emrat e 251 personave që u vrane ndërsa po përpiqeshin të mposhtin përpjekjen për grusht shteti, më 15 korrik 2016. Rruga që të çon në memorial u riemërua nga bashkia e Tiranës “Rruga e Dëshmorëve të 15 korrikut”, si dhe parku ku është ngritur memoriali i vogël me ndihmën financiare të Agjencisë Turke për Bashkëpunim (TIKA), e cila mban emrin e “Parkut të Demokracisë së 15 korrikut”.

 

 

Një nismë e pakuptueshme për disa banorë të Tiranës, të vendosur t’a heqin sa më shpejt këtë memorial. Sipas tyre, bashkia ndërhyn me këtë monument në një çështje të politikës së brendshme turke. “Ky memorial nuk na përket neve!” Thonë disa kalimtare që po shëtisnin në park.

Më 13 gusht, u bë një kërkesë për të hequr memorialin dhe për të hequr emeëtimet e reja nga rruga dhe parku. Në një peticion në internet, grushti i shtetit i dështuar në Turqi përshkruhet si “një ngjarje që nuk ka asnjë rëndësi historike, kulturore apo shpirtërore për qytetarët e Tiranës”.

Më 30 gusht rreth orës 6 të mëngjesit, një person ende i paidentifikuar, por i kërkuar në mënyrë aktive nga policia, dëmtoi monumentin. Dhe kjo nuk është hera e parë që bëhen përpjekje për të sulmuar pllakën e diskutueshme, të cilën policia po e monitoron 24 orë në ditë.

“Përse duhet një memorial në vendin tonë i një grushti shteti të mbetur në tentativë në Turqi? Ne nuk kemi asnjë lidhje me flamujt turq që valëviten në rrugët tona! Zoti na ruaj nga një çmenduri e tillë. Vetëm qeveria jonë ishte në gjendje të bënte një gjë të tillë”, shprehet e indinjuar Fatma, një grua në të pesëdhjetat.

“Kini kujdes, mos luani me identitetin tonë, ne nuk jemi më një provincë e Perandorisë Osmane! Memoriali u financua nga një fondacion turk dhe një OJQ e mbështetur nga qeveria turke. Por kur Erdogan nuk do të jetë më president, pasardhësi i tij ka të ngjarë të vërë në dyshim këtë memorial. Ai do të kërkojë të hiqet dhe pastaj, çfarë do të bëjmë ne? Çfarë figure do të bëjë Shqipëria?”, vazhdon gazetari Ilir Yzeiri.

“Një monument kushtuar Atatürkut ose miqësise shqiptaro-Turke nuk do të shkaktonte ndonjë polemikë, madje asnjë zemërim.” Thote gazetari tjetër Blendi Salaj që është gjithashtu shumë kritik: “77,000 persona të arrestuar zyrtarisht, 143 gazetarë në burg, 7,000 të arrestuar ushtarakë, përfshirë 58 gjeneralë. 151 persona u dënuan me burgim të përjetshëm, 130,000 njerëz të pushkatuar përfshirë 6000 akademikë… Ky është vlerësimi tjetër i 15 korrikut 2016 në Turqi. Sidoqoftë, këtu nuk ka ndjenja anti-turke, edhe pse pesë shekuj nën Perandorinë osmane kanë lënë kujtime të hidhura. Një monument kushtuar Atatürkut ose miqësise shqiptaro-turke nuk do të shkaktonte ndonjë polemikë, asnjë zemërim. Nga ana tjetër, nuk kam gjetur askënd që të paraqesë argumente logjike dhe racionale në favor të këtij monumenti… Shqiptarët nuk duan të regjistrohen politikisht pa dijeninë e tyre.”

Polemika publike rreth kësaj pllake përkujtimore shtron pyetje në lidhje me ligjshmërinë e instalimit të saj. Në të vërtetë, vendimi për të nderuar këtë ngjarje në historinë e Turqisë është marrë në fshehtësi nga Këshilli Bashkiak i Tiranës, në kundërshtim me ligjet dhe rregulloret shqiptare. Asnjë konsultim publik nuk u krye dhe qytetarët e Tiranës nuk patën mundësinë për të komentuar projektin.

As kryebashkiaku e as qeveria nuk kanë njoftuar publikisht përurimin e monumentit, të cilin mediat i kanë mësuar përmes një deklarate për shtyp dhe fotografive të transmetuara nga Ambasada Turke. Qeveria e Edi Ramës dhe bashkia e Tiranës bëjnë shurdhmemecin duke mos dhënë asnjë shpjegim për zgjedhjen e vendosjes së kësaj pllake përkujtimore në park: nuk dihet se kush mori vendimin për ta ngritur atë, mbi cilën bazën juridike dhe cila procedurë u ndoq!

Për opozitën shqiptare ky memorial përfaqëson “një shkelje të sovranitetit kombëtar dhe një mungesë dinjiteti të shtetit shqiptar”. Shumë intelektualë u shprehen se nuk na takon neve të përfshihemi në një çeshtje të brendshme politike të Turqisë, një veprim i rastësishëm që synon të tërhiqte më shumë investime turke në Shqipëri. Në fakt, Turqia është gjithnjë e më e pranishme ekonomikisht në vend, megjithëse në raste, siç ështe ai i aeroportit të Vlorës, ose ai i kompanisë Air Albania, shkel rregullat evropiane.

Në ndjekjen e të ashtuquajturëve “puçistë”, qeveria turke gjithashtu u ka bërë thirrje në mënyrë të përsëritur autoriteteve shqiptare që të marrin masa kundër institucioneve të lidhura me rrjetin e Imamit Fethullah Gulen, por këto kërkesa deri më tani janë refuzuar, megjithë marrëdhëniet e mira që mbizotërojnë midis Presidentit turk dhe Kryeministrit Edi Rama.

Përkundrazi, në Kosovë, disa mësues të Gylenistëve u arrestuan dhe u internuan në Turqi, në shkelje flagrante të ligjeve të këtij vendi.



3 Comments

  1. Para disa ditesh i komentova Andreas,sepse kritikonte lapsin qe dha lajmin per dhunimin e lapidarit turk, dhe prape them qe nuk duhet te demtojme asnje lapidar, i kujtdo qofte,as lapidar turk e as grek, por fajin e kane politikanet tane qe pranojne te ndertojne memoriale te huaja ne vendin tone. Ata duhet ti ndalojme dhe jo njehere te lejojme te behet memoriali e pastaj ta vandalizojme si kafshe. Pse e lejuam kete memorial,qe ska asnje lidhje me Tiranen apo Shqiperine? Ky eshte skandal.Ja,tani paskan filluar dhe mediat e huaja t’i tregojne botes se si po shnderrohemi ne vasal te Erdokarit. Nuk kemi asgje kunder popullit turk, i respektojme si cdo popull,por jo te lejojme te vendos Erdokari se ca te behet tek ne. Servilizem i frikshem. Bashkia ,apo kush e ka vene kete lapidar, ta heqi sa me pare, qe mos te kete nevoje te behet ndonje akt tjeter vandal, qe na prish akoma me shume imazhin

  2. keta nuk jan shurdhmemec, keta jan bythlepires dhe servila te rendomt te sulltanit. keta kujtojn se vendet publike, ose me sakt mandati qe kan marr e kujtojn certifikat pronesie. shkun dhe e vun naten. o te qifshin farewfisin o veliaj o ndyresir o ram turku o neveri njeri o pseudopatriot me citjane, do ju vij edhe juve ora. si nuk the dy fjal per sivllaun Erdogan more km varikars e servil. cpun kemi ne me problemet e brendshme te turqis e me diktaturen e erdokarit? mir ju varikarsa, po keta varikarsat e opozites qe slen lajm pa perdorur politikisht. saleh digjitali edhe kur qihen ne byth ne kavaj e nxjer lajmin qe te sulmoj ed ramen. pse o digjital nuk the nje fjal si ti si cerri jot Basha per memorialin? te gjith te tredhur e te kapur si klas politike, te gjith te shantazhueshem.

    1. po ai nacionalisit, patrioti Like flori rustem sokol shtangis notar aplinist qim pek bes kallak Meta si nuk tha nje fjal. ai ishte gati te vriste veten per patriotizem qe te mbronte sovranitetin e vendit, po per memorialin qe eshte ne shkelje te rend te sovranitetit dhe ndjenjave kombetare Like hajdutit ju mbyll goja. ngeli duke ber sorren (se shqiponjen nuk mund ta bejn surreter si ai i like floririt) ne cdo maj mali, duke ber sikur i dhimbset fort vendi dhe sovraniteti apo ndjenja kombetare. mortje dhe shushunj. na eshte qepur si delja pas boleve te dashit dhe sna u shqit ky kokcepsh mafjoz me ze e me figur.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *