Një zjarr i përmasave të mëdha ka rënë në fshatin Sulaj të njësisë administrative Dërmenas në Fier.
Nga informacionet paraprake, mësohet se janë djegur duajt e barit dhe se nga përhapja e flakëve kanë rrezikuar banesat dhe stallat e bagëtive përreth.
Në vendin e ngjarjes gjenden forcat zjarrëfikëse të Fierit që kanë punuar për disa orë për shuarjen e flakëve, që kishin përfshirë barin e mbledhur për bagëtitë nga një fermer i zonës.
Ndërkohë, ende nuk dihet shkaku i rënies së zjarrit.
