Një i ri është arrestuar në flagrancë teksa po udhëtonte me armë zjarri me vete në linjën e transportit publik Tiranë-Vorë.
Bëhet fjalë për shtetasin me iniciale K. M., 19 vjeç, që u vu në pranga së bashku me një tjetër person që akuzohet për moskallëzim krimi, pas sinjalizimit të qytetarëve.
Në cilësinë e provës material janë sekuestruar një armë zjarri pistoletë, me krehër me fishekë.
Materialet iu referuan për veprime të mëtejshme Prokurorisë së Rrethit Gjyqësor Tiranë.