Një automjet i tipit “Benz” është përfshirë nga flakët në orët e para të mëngjesit të sotëm në kryeqytet.
Sipas informacioneve të komunikuara nga Policia, ngjarja ka ndodhur në rrugën “Haredin Shtino” dhe automjeti i shkrumbuar është në pronësi të shtetasit Gramoz Nazeraj.
Si pasojë e flakëve, kanë pësuar dëmtime edhe dy mjete të tjera që kanë qenë të parkuara në dy anët e “Benz”-it.
Grupi hetimor po vijon punën për zbardhjen e plotë të rrethanave të ngjarjes, identifikimin dhe kapjen e autorit/ëve.
Nga veprimet e para hetimore dhe provat e sekuestruara në vendngjarje, dyshohet se zjarri i vënë në mjetin në pronësi të Nazetajt ka qenë i qëllimshëm.
Materialet u referuan pranë Prokurorisë së Gjykatës së Shkallës së parë Tiranë, për veprën penale “Shkatërrimi i pronës me zjarr”.