Dani Alves nuk ka të ngopur me futbollin, e me trofetë gjithashtu. Edhe pse tashmë 36 vjecar, braziliani nuk e ka humbur aspak nivelin e lartë në fushë, duke bërë që në përfundim të cdo kontrate, për të të vërshojnë ofertat e klubeve të rëndësishme. Por Alves, edhe pse në moshë, nuk i vë vetes limite, ndaj dhe ka treguar për refuzimin që i ka bërë Barcelonës e Juventus.
Zbulimin e ka bërë vetë braziliani, që pasi fitoi cmimin si lojtari më i mirë i Kupës së Amerikës mbeti për pak kohë pa skuadër, përpara se të vishte fanellën e San Paolo. “Pata mundësinë të kthehesha tek Juventus, por edhe të shkoja edhe njëherë tek Barcellona, sepse ishte ndër dëshirat e mia. Në fund zgjodha San Paolo, sepse unë nuk kam një datë skadence”.