• |
ide | kryesore

Takimi i Ramës me Merkel, PD: Nuk ka negociata me njeriun që futi krimin në zgjedhje

Lajme, Të fundit

Partia Demokratike ka reaguar fill pas prononicmit të kryeministrit Edi Rama në lidhje me takimin e zhvilluar ditën e sotme në Berlin me Kancelaren Gjermane, Angela Merkel.

Sekretari i Përgjithshëm i PD-së, Gazmend Bardhi, shkruan në një postim në faqen e tij zyrtare në  “Facebook” se asnjë takim në Berlin, Ëashington, Paris apo Bruksel nuk e fshin dot të vërtetën skandaloze se me Ramën nuk ka për të pasur nisje të bisedimeve për anëtarësim të Shqipërisë në BE.

Sipas Bardhit, ky takim po përdoret duke u propaganduar, për të hequr vëmendjen heshtja e Ramës mbi akuzat e ngritura nga PD-ja ndaj kryebashkiakutt të Vaut të Dejës, Mark Babani, që sipas selisë blu është arrestuar, dënuar dhe dëbuar nga autoritetet italiane.

Reagimi i Bardhit:

Asnjë takim në Berlin, Washington, Paris apo Bruksel nuk e fshin dot të vërtetën skandaloze se me Edi Ramën, njeriun që futi krimin në zgjedhje dhe qeveris me të, nuk ka për të pasur nisje të bisedimeve për anëtarësim.

Propaganda nuk mund ta mbulojë heshtjen e Edi Ramës për kriminelin e tij të Vaut të Dejës, Mark Babani. Njësoj si për Valdrin Pjetrin e Shkodrës, për Agim Kajmakun e Vorës, Edi Rama po fshihet edhe për Mark Babanin. Kandidati i Edi Ramës ka mashtruar publikisht me formularin e dekriminalizimit dhe ai duhet të dalë para drejtësisë për këtë.

Është fakt se Mark Babani është arrestuar, dënuar e dëbuar nga autoritetet italiane dhe ai nuk e ka deklaruar këtë. Provat për këtë janë të pakundërshtueshme dhe prokuroria mjafton të ketë vullnetin t’i marrë në dorëzim ato. Edi Rama dhe kandidati i tij për Vaun e Dejës duhet të sqarojnë publikun se çfarë i kujton data 4 Prill 1994.

As mashtrimet publike të Mark Babanit dhe as heshtja e Edi Ramës nuk e ndryshon dot të vërtetën. Me kriminelët në parlament, me kriminelët në pushtetin lokal, me kriminelët në qeverisje nuk ka të ardhme për shqiptarët, nuk ka integrim, nuk ka Shqipëri si gjithë Europa.

Lini një Përgjigje

Adresa juaj email s’do të bëhet publike.

Kthehu