Ashtu si një vit më parë, ashtu si kishte deklaruar: Klopp i sjell mbarësi Mertens dhe Liverpool shkon në disavantazh në San Paolo. Një penallti naive e shkaktuar nga Robertson, në minutën e 80, për ndërhyrjen e gabuar ndaj Callejon, i ka dhënë mundësinë Mertens të shënojë nga pika e bardhë. Belgu rrezikon ta shohë goditjen e tij të pritet nga Adrian, por në fund topi përfundon në rrjetë duke ndezur shpresat e Napolit për një fitore në shtëpi kundër kampionëve në fuqi të Europës.
Ai që e vendos është i sapofuturi Fernando Llorente, në minutën e fundit të kohës së rregullt. Spanjolli përfitoi nga një neglizhencë e Robertson dhe mposhti Adrian me qetësi, për 2-0 finale.