• |
ide | kryesore

Skandali/ Barcellona i rrëmbeu Atleticos parregullsisht Griezmann… gjykatësi e dënon me… 300 euro

Sport

Treqind euro, një gjobë, nëse mund të quhet e tillë, tallëse për arkat e Barcelonës. Duket se kjo është zgjidhja për çështjen Griezmann, që trazoi Spanjën për gjithë verën. Atletico Madrid, në fakt, kishte denoncuar Barcelonën se kishte kontaktuar një futbollist nën kontratë pa autorizimin e tyre, në një periudhë në të cilën klauzola zgjidhëse e kontratës së francezit ishte fiksuar në 200 milionë, e jo 120, vlerë në të cilën zbriti nga 1 korriku e më pas. Tani gjykatësi Juantxo Landaberea ka propozuar pagesën e sanksionit ose mbylljen e Camp Nou për një ditë.

Një sanksion ekonomik qesharak. Sipas asaj që bën të ditur El Mundo, gjoba shumë e ulët derivon nga fakti që Atletico nuk ka prodhuar prova të tjera përvec atyre të cituara në shtyp. Klubi colchoneros ka kërkuar me insistim 80 milionë të diferencës së cmimit të klauzolës, duke shpjeguar se fjalët e Griezmann e sjellja e mbajtur nga Barça janë sinjale të qarta të faktit se ekzistonte një tratativë e merkatos kohë më parë.

Por gjykatësi vendosi, duke e përcaktuar qendrimin e tij referuar Kodit të Disiplinës së Federatës spanjolle. Camp Nou mund të mbetet mbyllur për një ditë ose Barcellona duhet të fusë duart në xhep e të paguajë…300 euro!

Lini një Përgjigje

Adresa juaj email s’do të bëhet publike.

Kthehu