“Të dashur tifozë të Real Madrid, ndihem shumë i trishtuar për disa komente që lidheshin me një foto që qarkullon në rrjetet sociale”. Alphonse Areola, portieri i ri i Blancos, ka përdorur faqen e tij në Instagram për ti kërkuar ndjesë tifozëve të tij të rinj, që ishin nervozuar shumë për foton e portierit francez të merengues me Kylian Mbappé pas fitores bindëse të Psg në Champions League përballë spanjollëve. “Dua që të gjithë tifozët e Real ta dinë se që kur firmosa për këtë klub, zemra ime është blanco” ka shkruar Areola.
Tifozët e Real akuzonin Areola, që mbërriti në verë i huazuar nga Psg, për mungesë respekti e mungesë përkatësie ndaj Real, por portieri i datëlindjes ’93 ka dashur të qartësojë që buzqeshja e fiksuar në atë foto ishte për takimin me mikun e tij të madh Kylian Mbappé e se impenjimi i tij është i gjithi për Real: “Nuk mund të duroj as dyshimin më të vogël lidhur me motivimet e mia, ndërshmërinë e përfshirjen tek Real Madrid, Madridin tonë. Humbja me ka goditur mua e të gjithë ata që formojnë këtë familje të madhe. Pas ndeshjes u takova me ish-shokët e skuadrës e miqtë që nuk kishin kohë të më përshëndesnin kur u largova. I kërkoj ndjesë tifozëve që janë ndjerë të fyer, nuk ishte qëllimi im e shpresoj që së bashku të arrijmë shumë suksese. Hala Madrid!”.