Yjet e futbollit do të jenë të pranishëm në ceremoninë e FIFA-s për më të mirët e vitit 2019 që do të mbahet sonte në mbrëmje në shtëpinë e operës në Milano, duke filluar nga ora 20:30. Edhe 10-shi i Barcelonës, Lionel Messi, ka zbritur në Milano. Messi mund t’i rrëmbejë sonte tri çmime, ‘The Best’ (Lojtari i Vitit), çmim për golin e vitit si dhe i padiskutueshëm është në formacionin e vitit.
Për çmimin The Best, Messi garon me Cristiano Ronaldon dhe Virgil van Dijk.
Bashkë me Messin kanë fluturuar edhe portieri Ter Stegen, si dhe mesfushori De Jong – që besohet të jenë në 11-shen e vitit.
Sulmuesi i Paris Saint Germain, Kylian Mbappe, tashmë ka arritur në Milano.
Pas Lionel Messit, Kylian Mbappes, Frenkie de Jong e Andre ter Stegen edhe Luka Modric, Sergio Ramos e Marcelo kanë arritur në Milano.