Elisa Spiropali është sërish në pritje të ëmbël.
Ajo e ka konfirmuar lajmin gjatë një intervistë në “Abc News”, kur është pyetur në mënyrë të papritur në fakt nga gazetarja Mirela Milori për këtë shtatëzani të dytë.
“Kjo ishte pak e papritur në këtë studio”- u përgjigj Spiropali- “Por këto janë punët e Zotit që nuk mund të parashikohen. Është një lajm i mirë patjetër, është shkak për lumturi.”
Ndërkohë Ministrja e qeverisë socialiste tha se gjithçka po shkonte mirë gjatë pritjes së ëmbël dhe sjellja në jetë e një tjetër fëmije është shkak për më shumë energji dhe motivim e aspak për lodhje: “Përveç tërmetit që na tronditi pak, të tjerat kanë shkuar shumë mirë. Nuk ka problem, mua më shtohet energjia dhe dashuria për punën, edhe për vendin, duke qenë se po sjell një fëmijë tjetër këtu. Gjithçka është mbarë dhe nuk e konsideroj si barrë, përkundrazi më ka dhënë shumë energji.”
Gjithashtu, me këmbënguljen e gazetares, Elisa ka zbuluar dhe se kur pritet të vijë në jetë fëmija i dytë: “Këto gjëra nuk mund të parashikohen saktësisht, por në fund të janarit do ta realizojmë edhe këtë detyrë.”