Rihanna qëndron larg muzikës që prej janarit të 2016-s, kohë kur publikoi albumin e saj të fundit, “Anti”.
Prej kohësh, fansat presin rikthimin e saj, por më kot. Megjithatë këngëtarja e ka mbajtur veten të zënë me shumë, shumë projekte.
Në shtator të 2016-s, Rihanna bashkëpunoi me Puma-n për të sjellë një koleksion me atlete. Fenty x Puma u shitën sa hap e mbyll sytë.
Në shkurt të 2017, Rihanna u vlerësua nga Harvard University për bamirësitë e saj. Gjatë fjalimit të saj, ajo shreh, “Gjithë ç’duhet të bëni është të ndihmoni dikë, pa pritur gjë në këmbim. Për mua, ky është humanizëm. Nuk është e thënë që të jesh i pasur që të ndihmosh të tjerët. Nuk ka pse të jesh i famshëm.”
Gjatë verës së 2017-s, Rihanna u shfaq në “Valerian and the City of a Thousand Planet”, në rolin e Bubble.
Në shtator të 2017-s, këngëtarja lançoi kompaninë e saj me produkte kozmetike me emrin Fenty Beauty.
Në fakt, në nëntor të dy viteve më parë, Rihanna u shfaq në këngën “Lemon” të N.E.R.D. Por nuk mjafton!
Në maj të 2018-s, këngëtarja lançoi markën me të brendshme, Savage x Fenty.
Në shtator të 2018-s, u shpall ambasadore nga vendlindja e saj, Barbados. Vendi e emëroi këngëtaren si Ambasadore të Jashtëzakonshme dhe të Plotfuqishme, e cila ka promovuar dhe promovon turizmin dhe investimet e huaja në ishull.
Mori pjesë në “Ocean’s 8”.
U shfaq në trailerin e filmit “Guava Island” me Donald Glover.
Në 2014-n, Rihanna krijoi Diamond Ball si një event për të mbledhur para për fondacionin e saj The Clara Lionel Foundation. Edhe në 2019-n, nuk mungoi performanca e saj. Fondacioni The Clara Lionel është një organizatë jofitimprurëse e themeluar nga Rihanna në vitin 2012 me qëllim përmirësimin e jetës së komuniteteve të varfra, me në qendër arsimin dhe shëndetësinë.
Prezantoi koleksionin e fundit të Savage x Fenty në Javën e Modës në Nju Jork, një shfaqje spektakolare, ku performuan Normani, Halsey dhe Migos.
Ndërkoha jeta e Rihanna-s momentalisht, në një meme të postuar nga vetë ajo: “Kur fansat vazhdojnë të të pyesin për muzikën.”