• |
ide | kryesore

Vendi vakant në KLP/ Fiton prokurorja e dosjes 184 të Dibrës

Lajme, Të fundit

Prokurorja Esmeralda Cami Keshi ka fituar vendin për anëtare e Këshillit të Lartë të Prokurorisë, përkundrejt rivalit të saj, prokurorit Vladimir Mara. Cami mori 133 vota, duke lënë pas në garë Marën në kuotën e vetëm 109 votave.

Vendi vakant në KLP u krijua pas shkarkimit nga detyra e prokurorit Gentian Osmanit nga Shkalla e Dytë e Vettingut, në Kolegjin e Posaçëm të Apelimit (KPA).


Nga votimi i sotëm është përjashtuar drejtuesja e Prokurorisë së Krimeve të Rënda Donika Prela, e cila ka mbërritur me vonesë.

Cami kërkoi nga KLP-ja që të pranonte dorëheqjen nga drejtimi i Prokurorisë Dibër. Emri i saj u vu në qendër të vëmendjes pas transferimit të dosjes “184” në Dibër, dhe konfliktit të saj të interesit për shkak të lidhjeve fisnore me një nga subjektet e hetimit.  Prokurorja ka lidhje të afërta me Arben Keshin, zyrtarin e Ministrisë së Brendshme që u kap në përgjimet e publikuara nga tabloidi gjerman “BILD”, si i përfshirë në manipulimin e procesit zgjedhor në Dibër në lokalet e 2016-s. ©Lapsi.al

 

 

 

1 Comment

  1. ore po kta dibranet qenkan te medhenj per keto pune xhanem..te gjithe rolet i benkan, prokurorin, koncesionarin, camin..ncncncnc

Lini një Përgjigje

Adresa juaj email s’do të bëhet publike.

Kthehu