”The last stylebender”, Israel Adesanya, hodhi në tapet kundërshtarin në raundin e dytë duke fituar titullin e peshave të mesme. Në Oktagon u fut me balerinë e akrobaci, imitoi mitralozin, provokoi kundërshtarin e ardhshëm që ndiqte ndeshjen: një shfaqje e vëertetë, që shkon përtej Mma.
Këtu fitorja kalon në plan të dytë, ose më saktë legjitimon prepotencën e treguar në fillim në mbërritjen në shoqërinë e tre balerinëve, interpretimin e një kërcimi metropolitan, akrobacitë në ring, dhe rrëmbimin e trofeut në vetëm 8 minuta. Pastaj imitimi i armës kundër gjithë stadiumit, kërcimi si Michael Jackson, marrja e mikrofonit për të sfiduar një luftëtar që ndiqte ndeshjen, duke i dërguar një puthje.
Adesanya, nuk është vetëm kampioni i ri i peshave të mesme Ufc, pasi nxorri brutalisht k.o. rivalin Robert Whittaker në raundin e dytë. E nuk është vetëm një prej luftëtarëve më të paparashikueshëm të ringut aktual. Është edhe njeriu i shfaqjeve spektakolare që një sport individual mund ti ofrojë botës, në nivelet e një Agassi, apo një McGregor. E vlerësimi i 60mijë të pranishmëve në Marvel Stadium të Melbournit e dëshmoi.