Stilistja e njohur ka rrëfyer së fundmi se është në rregull me plakje dhe nuk do e nuk përpiqet të duket më e re nga ç’është.
Në një intervistë për “This Morning”, 45-vjeçarja, mama e 4 fëmijëve tha se është në paqe me plakjen. “Jam në rregull me plakjen. Nuk përpiqem të dukem më e re se ç’jam. Dua thjesht të dukem mirë për moshën time.
Dua të dukem versioni më i mirë i vetes time. Realisht, nuk dua të ndryshoj asgjë. Më pëlqen ndjesia e plakjes. Jam në rregull se si plakja duket. Çdo njeri do të plaket.”-është shprehur Victoria në intervistën e zhvilluar dyqanin e saj në Londër. Ndër të tjera, kur u pyet për dështimin më të madh në grim, stilistja pranoi se ka pasur disa raste të tilla:
“Ka pasur plot raste. Por, në “American Music Awards” (gjatë kohës së “Spice girls”), ka qenë me shumë mundësi look-u më i keq që kam pasur ndonjëherë. Kishte “shumë” në gjithçka. Shumë ton sysh, shumë shkëlqyes buzësh, shumë “blush”, por dihet, ishin vitet ’90.