Neymar Junior është kthyer të jetë protagonist me Paris Saint Germain e Brazilin, duke shënuar tashmë edhe një arritje historike. Numri 10 është bërë futbollisti më i ri në historinë e Brazilit që arrin shifrën e 100 paraqitjeve me Seleçao.
61 gola dhe 41 asist e bëjnë O’Ney golashënuesin e tretë më të mirë në historinë e verdhejeshilëve, por ndeshja e 100 me kombëtaren nuk i ka dhuruar kënaqësi të mëdha Neymar e Brazilit të tij: në Singapore, kombëtarja amerikanolatine është ndalur në 1-1 nga Senegali i Koulibaly e Mané. Selecao kaloi në avantazh në minutën e 9′ me një kryevepër të sulmuesit të Liverpool Firmino (aksioni i nisur nga Coutinho e asist i Gabriel Jesus), pastaj në shtesën e pjesës së parë ka ardhur edhe barazimi i afrikanëve të drejtuar nga Cissé me penalltinë (për rrëzim në zonë të Mané pas ndërhyrjes së Marquinhos) e realizuar nga Diedhiou.
Nuk ndodh asgjë në pjesën e dytë, me një supremaci sterile territoriale të Brazilit, që arkivon kështu miqësoren e tretë radhazi pa fitore, pas barazimit me Kolumbinë e humbjes me Perùnë.
?? @Neymarjr for @CBF_Futebol:
? 100 Caps
⚽ 61 Goals
? 41 Assists? 2016 Olympic Gold Medalist
? 2013 Confederations Cup Winner✅ Quickest Brazilian in history to reach 100 caps.
? 3rd highest goalscorer for Brazil.
? Still only 27 years old. pic.twitter.com/1iVK8vnt1b
— SPORF (@Sporf) October 10, 2019