“Besoj se e kisha aq të lehtë sa iu gëzova golit përpara se të bëhej”. Me këto fjalë Rey Manaj kujton episodin vendimtar të ndeshjes, që mund të ndryshonte fatet e ndeshjes. Sulmuesi kuqezi, që tentoi më shumë se të gjithë portën e Mert, shpjegon edhe arsyen përsë ai top nuk përfundoi në rrjetë: “Mbrojtësi e lëvizi aq pak, sa mu ngrit topi përpara se të godisja dhe nuk e dërgova dot në rrjetë. Më vjen keq që nuk fituam, e aq më keq që humbëm në atë mënyrë”.
Manaj ka shpejtuar të mbrojë strategjinë e skuadrën dhe performancën e bërë nga kuqezinjtë e Edy Rejas: “E kishim përgatitur shumë mirë ndeshjen. Fitorja do na kishte ngritur moralin, por skemi ç’bëjmë. Asnjë nuk e ka fajin, as në rastin e golit. Të gjithë e kemi pësuar atë gol”.