Kryetari i komunës Baunei, në zonën Ogliastra të Sardenjës, ka ndaluar përdorimin e hartave të Google (Google Maps), pasi shumë njerëz humbasin në shtigjet e rrugëve nga përdorimi i aplikacionit.
“Hartat e vjetra të letrës janë më të mira”, deklaroi Corrias.
Sipas tij, shumë udhëtarë kanë humbur dhe disa makina kanë ngecur në rrugët e ngushta e të pakalueshme të zonës Supramonte, pas përdorimit të super-aplikacionit global.
Corrias deklaroi për agjencinë italiane të lajmeve, ANSA, se janë vendosur kudo shenja paralajmëruese, që shoferët të mos ndjekin udhëzimet e Google Maps.