Rrjeti prestigjioz informativ “BBC” ka shkruar në lidhje me vendimin e Këshillit Evropian për të mos hapur negociatat e anëtarësimit me Shqipërinë dhe Maqedoninë e Veriut. “BBC” ka cituar kreun e organit më të lartë vendimarrës të BE-së, Donald Tusk, i cili e cilësoi si të gabuar vendimin për mosdhënien e dritës së gjelbër për nisjen e bisedimeve me dy vendet kandidate nga Ballkani Perëndimor.
“Një pjesë e vogël e vendeve anëtare të BE, të udhëhequr nga Franca, vunë veton ndaj hapjes së negociatave me dy vendet e Ballkanit”, shkruan “BBC”.
Më tej, media ndërkombëtare i referohet sërish Tusk, i cili pas vendimit të Këshillit, tha në një konferencë për shtyp se “disa anëtarë nuk janë të gatshëm për të lejuar Maqedoninë e Veriut dhe Shqipërinë të bëhen anëtare të BE”.
“Kjo është arsyeja pse ne nuk kemi arritur të marrim një vendim pozitiv. Personalisht mendoj se ishte një gabim”, deklaroi Tusk.
Ça osht kjo BBC – Balla-Blushi-Cakaj?
Abc news. Llackavirat e sander mafishes.