• |
ide | kryesore

Parlamenti “rrëzon” Johnson, votohet për shtyrjen e Brexit

Planet, Të fundit

Parlamenti anglez ka votuar sot në favor të shtyrjes së afatit së daljes së vendit nga Bashkimi Evropian.

Pas ish-kryeministres Theresa May, Parlamenti i Britanisë së Madhe i ka dhënë një “shuplakë” edhe kryeministrit aktual, Boris Johnson, përsa i takon marrëveshjes së çanëtarësimit të vendit nga BE-ja.

Me një diferencë të ngushtë votash, Dhoma e Komunëve zgjodhi me 322 vota pro dhe 306 kundër shtyrjen e procesit të Brexit-it, që zhvendoset në kohë për të dytën herë.

Ndërkohë, vetëm pak ditë më parë, u arrit një marrëveshje e re për Brexit mes Johnson dhe BE, në të cilën thuhej se Britania e Madhe do të dalë nga BE brenda muajit tetor.

Por, pas votimit të sotëm, Johnson është i detyruar të kërkojë një afat të ri për daljen nga tregu i përbashkët ekonomiko-politik europian deri në orën 23:00.

Më herët, Johnson pati këmbëngulur që Anglia të mbyllte procedurat e daljes nga BE-ja në datë 31 tetor, edhe nëse do t’i duhej të ndiqte skenarin famëkeq të “no-deal”. ©Lapsi.al

Lini një Përgjigje

Adresa juaj email s’do të bëhet publike.

Kthehu