Penallti për Inter, pritja në ankth për kontrollin nga Var, e ndërsa Lukaku përgatitej të godiste nga pika e bardhë, nga qielli një njeri u ul mbi fushën e Mapei Stadium. Invazion i fushës më shumë se origjinal në sfidën e Serie A mes Sassuolo e Inter, ku në fushën e gjelbër bëri zbritjen një parashutist. Një event shumë i vecantë që nuk u pa nga shikuesit në shtëpi, duke qenë se si është rregullorja, telekamerat në këto raste, nuk inkuadrojnë atë që ndodh në fushë.