Një vrasje me armë zjarri ka ndodhur mesditën e sotme në malësinë e Shoshit në qytetin e Shkodrës.
Mësohet se viktima është shtetasi Lazer Arraj (Pjetrushi), 55 vjeç.
Arraj është qëlluar 2 herë me armë zjarri dhe trupi i tij i pajetë është gjetur nga kalimtarët në zonë.
Policia është nisur drejt vendngjarjes për të kryer zbardhjen e plotë të rrethanave dhe të shkaqeve të ngjarjes.
Informacion paraprak:
Me datë 21.10.2019, rreth orës 12:00, në fshatin Shosh, Shkodër, dyshohet se është vrarë me armë zjarri shtetasi L. A. 55 vjeç, banues në fshatin Palaj, Shosh, Shkodër.
Shërbimet e policisë dhe grupi hetimor kanë shkuar në vendngjarje dhe po punohet për sqarimin e rrethanave të ngjarjes, identifikimin e kapjen e autorit.