Sheffield United i ka bërë një surprizë të hidhur Arsenal, duke e vënë përfund në “Bramall Lane” me golin Lys Mousset, që i shkakton Gunners humbjen e dytë në Premier League. Ka rezultuar një transfertë shumë më e vështirë se e mendonte Emery, që mund ta shmangte humbjen vetëm me silurën e Granit Xhakës, të cilit i mohoi golin ndërhyrja spektakolare e Henderson.
E megjithëse londinezët patën impaktin më të mirë me ndeshjen, duke rrezikuar disa herë në momentet e para, Sheffield mori avantazhin në minutën e 30-të me Mousset, që shfrytëzoi afër portës topin e mbërritur nga goditja e O’Connell, në zhvillimet e një goditje këndi. Arsenal kërkoi barazimin dhe mund ta gjente pak minuta përpara se skuadrat të shkonin në dhomat e zhveshjes, por goditja e fuqishme e Xhakës gjeti reagimin spektakolar të Dean Henderson.
Emery nuk i ndryshoi dot fatat e ndeshjes, madhe rrezikoi të pësonte edhe golin e dytë, i kapur në tre momente në kundërsulm nga Sheffield United. Humbja e dytë e Arsenalit, që zbret në vendin e pestë me 15 pikë të grumbulluara. Kreu duket një mirazh për Gunners, 10 distanca nga Liverpool, ndërsa tani afrohet edhe Sheffield kërcënues, vetëm tre pikë larg.