Banorët në Derven të Krujës janë alarmuar pasi kanë degjuar të shtëna me armë zjarri.
Kanë telefonuar për ndihmë policinë, e cila ka ndërhyrë në kohë dhe ka arrestuar autorin, një burrë 47-vjecar qe po qëllonte në ajër me armë zjarri.
“Në numrin 112 të Komisariatit të Policisë Krujë kanë ardhur telefonata nga banorët e fshatit Derven se një shtetas po qëllonte me armë zjarri në ajër. Menjëherë shërbimet e Policisë Krujë janë nisur në drejtim të adresës së dhënë, ku shtetasi që qëllonte me armë zjarri në ajër u largua sapo pa forcat e Policisë”- njofton policia.
Pas krehjes së zonës dhe bashkëpunimit me banorët, Policia lokalizoi, kapi dhe arrestoi në flagrancë shtetasin: A. S., 47 vjeç, banues në fshatin Derven, Krujë.
Gjithashtu Policia gjeti dhe sekuestroi në cilësinë e provës materiale armën e zjarrit kallashnikov dhe disa fishekë luftarakë.