• |
ide | kryesore

Eurodeputetët dënojnë shtyrjen e negociatave me Shqipërinë dhe Maqedoninë e Veriut

Arkiva, Lajme, Të fundit

Liderët e grupeve më të mëdha politike në Parlamentin Europian njëzëri e dënuan shtyrjen e vendimit që BE-ja të bëjë hapa të reja në procesin aderues të vendeve të Ballkanit Perëndimor.

Ne kemi futur në Ballkan doza të stabilitetit, sepse kjo është përgjegjësi e jona”, paralajmëroi lideri i grupit të Partisë Popullore Europiane në PE, Manfred Veber.

Ai gjatë debatit në Parlamentin Europian vlerësoi se as Maqedonia e Veriut, as Shqipëria nuk e kanë marrë perspektivën që meritojnë.

Kërkuam shumë prej atyre vendeve, ndërsa tani dera iu mbyll para fytyrës. Po e humbim kredibilitetin dhe kjo është serioze”, porositi Veber.

Ai u shpreh në faktin se të gjithë liderët të cilët vijnë nga Partia Popullore Europiane në samitin në Bruksel kanë dhënë mbështetje për zgjerimin, ndërsa presidenti francez Emmanuel Macron dhe kryeministri holandez Mark Ruthe, të cilët i takojnë opsionit liberal, ishin “vetë kundër të gjithëve”. 

Garsija Peres nga radhët e socialdemokratëve evropianë vlerësoi se zgjerimi mund vetëm të sjell “jetë të re” në BE.

“Pranimi i Ballkanit Perëndimor jo vetëm që do të kontribuojë për stabilitetin në rajon, por edhe stabilitet të tërë BE-së”, theksoi Peres.

Lideri i grupit të liberalëve evropianë, në të cilin gjenden edhe deputetët francezë nga partia e Macronit, Dacian Ciolos deklaroi se zgjerimi duhet të mbetet në zemrën e politikës së BE-së.

“Nuk mund të mendojmë Europë të fuqishme, e të mos jetë e hapur ndaj fqinjëve, veçanërisht ndaj atyre të cilëve besojnë në të ndoshta edhe më fuqishëm sesa disa vende anëtare”, shtoi Cipras.

Ai theksoi se “Europa duhet të mbetet motor i reformave demokratike, ndërsa dera e saj është e hapur”.

Të gjelbrit europianë kanë pasur ndoshta edhe kritika më të ashpra ndaj presidentit francez për shkak të vendimit për ta bllokuar hapjen e negociatave inkuadruese me Maqedoninë e Veriut dhe Shqipërinë.

Përfaqësuesi i Të gjelbërve në PE, Filip Lamberts e theksoi përcaktimin e qartë të vendeve nga Ballkani Perëndimor për t’u inkuadruar në BE.

Vendimin që të mos respektohen obligimet e ndërmarra nga ana e BE-së, Lamberts e vlerësoi si “gabim serioz të Këshillit Europian” dhe kërkoi nga Unioni të bëjë punë reale nëse ekziston vullnet politik për këtë.

Nëse ju kujtohet, Emanuel Macronin e përshëndetëm si një europian të madh. Por me kalimin e kohës e kuptuam se nuk është as i madh, as europian”, konkludoi Lamberts.

Kryetarët ende aktual të Këshillit të Europës dhe të Komisionit Europian, Donald Tusk dhe Jean Claude-Junker në fjalimin e tyre të fundit në Parlamentin Europian theksuan se përçarja e vendeve anëtare rreth hapave të reja në procesin e zgjerimit të BE-së është “gabim i madh”. 

5 Comments

  1. Ky stabiliteti ne kurriz te kujt bie o hipokrit qe ngelet duke brohoritur demokraci kendej e demokraci andej? Per ke eshte kjo demokraci ? Per ate rracqirin endri fugen eshte demokracia ? Spiuna komunizmi ngelet gjithe jetes.

  2. akoma nuk e kuptoni se ne nuk jemi akoma ne gjendja per tiu bashkuar europes se pari nga krimi i organizuar . m8ungesa e ldrejtesise se shume kerkuar niveli i ulet ekonomik etj dhe mos e reni vehten me me propogande komuniste edhe bufi e kupton kete

  3. Keto thojani atij kriminelit tuaj sb dhe Lul mafishtes se ata thone te kunderten dhe bejne fushat kunder negociatave

  4. o lul mafishtja o bythqire. ca negoviatash doni kur vet e pranoni qe gjykata e larte do 17 vjet me shwyrtu ceshtjet qe ka deri tashti

  5. Qe ne nuk i kemi standartet per t’u bashkuar me BE, kjo as qe diskutohet. Mjafton nje fakt i thjeshte la hyre ne gjera te tjera, per ta kuptiar. Cili nga kryeqytetet europiane ka uje vetem 3-4 ore ne dite? Por problemi eshte gjeopolitik dhe premtimi qe i ishte bere Maqedonise se Veriut. Pikerisht per kete vine kritikat nga gripet parlamentare.

Lini një Përgjigje

Adresa juaj email s’do të bëhet publike.

Kthehu