Dries Mertens futet në historinë e Napoli e me dygolëshin e shënuar ndaj Salzburg në Champions League, fillimisht barazon, pastaj kalon rekordin e më të madhit nga të gjithë, Maradona, që me fanellën e kaltër shënoi 115 gola. Një arritje e vërtetë e Dries Mertens, sepse belgu erdhi nën hijen e Vezuvit si sulmues i jashtëm ose i dytë dhe falë punës së Maurizio Sarri u transformua në një bomber tipik. 7 gola të realizuar këtë vit, 4 në Serie A e 3 në Europë e rekordi absolut i Marek Hamsik, 121 gola, është në shënjestër.
I mbërritur tek Napoli në verën e 2013, Mertens nuk e mori menjëherë vendin e titullarit, por në vite, me tre trajnerë të ndryshëm, fitoi gjithnjë e më shumë hapësirë deri sa u bë njeriu fatal i zonës së rreptësisë. Gati 300 prezenca me fanellën e të kaltërve e rekordi i ish-kapitenit Hamsik është fare pranë tashmë: mision i arritshëm për një sulmues që në tre sezonet e fundit ka shënuar 75 gola.
Ndërkohë, Mertens feston rekordin që e vë në të njëjtën shkallë (madje një më lart) me Maradonën, një idhull i vërtetë për të gjithë napoletanët.