• |
ide | kryesore

Të dielën ndryshon ora! Mësoni pasojat që shkakton në organizëm spostimi i akrepave

Lajme
Akrepat do të kthehen një orë prapa, ekzaktësisht në orën 3 të natës mes të shtunës, 26 tetor dhe të dielës, 27 tetor. Nga njëra anë do të fitojmë një orë gjumë më shumë, por nga ana tjetër do të na mbetet ta shijojmë ditën më pak, pasi do të errësohet më shpejt.
Ndryshimi i orës lë pasoja edhe tek organizmi ynë. Ka nga ata që vuajnë më shumë pasojat e këtij ndryshimi dhe që doemos janë më të kënaqurit nga fakti që Parlamenti Evropian, marsin e kaluar, votoi pro abrogimit të ndryshimit orar sezonal.

Ora diellore do të mbetet në fuqi deri më 29 mars 2020 dhe më pas, gjatë vitit në vijim, gjithçka do të varet nga vendimi i veçantë i çdo vendi anëtar të BE-së. Sipas PE-së, vendet që do të vendosin të ruajnë orën ligjore duhet të ndryshojnë akrepat për të fundit herë, të dielën e fundit të marsit 2021, ndërsa ata që preferojnë të ruajnë orën diellore, duhet të zhvendosin krepat për të fundit herë të dielën e fundit të tetorit 2021.


Në fakt, ndryshimi i akrepave të orës mund të shkaktojë disa vështirësi, që lidhen kryesisht me problemet e adaptimit. Psikologët dhe ekspertët shpjegojnë se shumë njerëz mësohen me vështirësi me ndryshimin dhe u nevojitet mesatarisht një javë kohë. Simptomat më të zakonshme në këtë rast janë: lodhja, irritimi, humbja e përqendrimit dhe produktivitetit në punë etj. ©Lapsi.al


Lini një Përgjigje

Adresa juaj email s’do të bëhet publike.

Kthehu