Presidenti Donald Trump tha se udhëheqësi i Shtetit Islamik, Abu Bakr al-Bagdadi është vrarë pas një operacioni të forcave speciale ushtarake amerikane në Siri.
“Mbrëmë Shtetet e Bashkuara sollën terroristin numër një në botë para drejtësisë. Asnjë personel amerikan nuk u dëmtua në operacion, por një numër i madh i luftëtarëve të Bagdadit u vranë”, – njoftoi Presidenti Trump të dielën nga Shtëpia e Bardhë. Duke folur përpara gazetarëve në Shtëpinë e Bardhë, Trump tha se Al Baghdadi aktivizoi xhupin e tij me eksploziv gjatë operacionit të forcave speciale mbrëmjen e së shtunës.
Trump u shpreh: “Ai vdiq si qen. Ai vdiq si frikacak. Ai vrapoi në thellësinë e një tuneli që nuk kishte dalje duke qarë e ulëritur gjatë gjithë rrugës. Personi që u përpoq aq shumë të intimidonte të tjerët i kaloi momentet e fundit të jetës së tij në frikë dhe panik total nga forcat amerikane që i ishin vënë pas”.
Mediat ndërkombëtare kanë nxjerrë detaje nga operacioni i një ditë më parë i ushtrisë amerikane, të mbështetura dhe nga ajri për vrasjen e kreut të Shtetit Islamik, al Baghdadi. Kreu i ashtuquajturit “Kalifati islamik” hodhi veten në erë sapo pikasi se ishte rrethuar nga ushtarët. Bashkë me të humbën jetën dhe dy gratë e tij dhe tre fëmijët e tij.
Njeriu më i kërkuar në planet në 5 vitet e fundit aktivizoi një xhup me eksploziv, në shtëpinë ku fshihej në fshatin Brisha të provincës Idlib, i cili shkaktoi një shpërthim të fuqishëm. Mësohet se al Baghdadi kishte mbërritur në vendin ku ndodhi operacioni i ushtrisë amerikane vetëm 48 orë më parë, duke nënkuptuar kështu se prej kohësh ishte në survejim.
Në aksionin për vrasjen e tij kontribuuan dhe shërbimet inteligjente turke dhe ato irakiane. Mbështetësit e Al Baghdadit sapo morën vesh lajmin për vdekjen e liderit të tyre premtuan se lufta e ISIS nuk përfundon dhe se xhihadi do të vijojë më tej. ©LAPSI.al
e sata her eshte qe vritet.
Nqs keni besuar qe njeriu i pare ka shkelur ne Hene me 1969-n, dhe se ishte from U.S, besojeni dhe kete! 😛
Thone qe vrau veten dhe jo e vrane. Verifkoni lajmin
Presidentet e kryeministra klloune e karagjose e te papergjegjshem totalisht jane trendi i kohes. Jane ne mode. Po ikni or idjoter. Ju te prishni me pahir fjalorin. Kohe qelbesirash.