E ngarkuara me punë e SHBA-ve në Tiranë, Leyla Moses-Ones, ka dhënë mesazhe të forta në lidhje me arsyet e moshapjes së negociatave të anëtarësimit të Shqipërisë në Bashkimin Evropian.
Në punimet e konferencës “Shtetet e Bashkuara të Amerikës në Ballkanin Perëndimor”, ku i pranishëm ishte edhe kryeministri Edi Rama, Moses-One theksoi se Shqipëria do të fitojë një vend në radhët e BE-së duke dyfishuar përpjekjet për zbatimin e Reformës të Drejtësi, në luftën kundër korrupsionit dhe plagën e krimit të organizuar.
Ndër të tjera, Moses-One u shpreh se Shqipëria është treguar e prerë në lidhje me interesat e Kinës, Rusisë dhe Iranit në Ballkanin Perëndimor duke mbajtur qëndrime parimore të përshëndetura nga SHBA-të.
“Shqipëria është vend kandidat dhe kjo nuk ka ndryshuar. Shqipëria do të fitojë një vend në radhët e BE duke dyfishuar përpjekjet për zbatimin e reformave të Drejtësi, luftën kundër korrupsionit dhe plagën e krimit të organizuar, duke zgjedhur vlerat, ligjin dhe begatinë për qytetarët.
Shqipëria po punon shumë për zbatimin e Reformës në Drejtësi dhe Reformën Zgjedhore, për të cilën drejtuesit kanë zgjedhur të bëjnë kompromis për të mirën e përbashkët. Shqipëria është përgjigjur prere dhe ka mbajtur qëndrime parimore të përshëndetur nga SHBA-ja përsa u përket kërkesa të bëra nga Kin, Rusia dhe Irani për çështje interesash,”- tha e ngarkuara me punë e SHBA-ve në vendin tonë. ©Lapsi.al
Po ti deri dje i ke bere fresk qeverise apo ska gje
Falemnderit per demagogjine dhe ujin e ngrohte
Jane shume te kenaqur me korje shirjet i gjithe ketyre viteve. Dhe pa dyshim jane shqepur me petulla. Me miell tip 0.