• |
ide | kryesore

Makth në Liverpool: portieri që kushtoi një Champions kthehet mbrapsht nga Besiktas

Sport

I kthyer tek dërguesi në janar, gjashtë muaj para skadencës së huazimit dyvjecar nënshkruar në verën e 2018: ky është skenari i palavdishëm që projektohet për ish-portierin e Livepool, Loris Karius, përfaqësimet e dobëta të të cilit i kanë humbur durimin drejtuesve të Besiktas, gjithnjë e më të vendosur ta kthejnë tek Reds, që e larguan kur mbërriti në Anfield braziliani Alisson Becker nga Roma për shifrën rekord të 66 milionë stërlina (76 milionë euro). Sipas asaj që bën të ditur portali turk Takvim, klubi i Stambollit ka nisur të kërkojë një zëvendësues për Karius, duke vënë sytë tek Fabri i Fulham (aktualisht i huazuar tek Mallorca në Spanjë).

Sipas asaj që tregon Daily Mail, nëse portieri gjerman kthehet në bazë, do të përfundonte pas Alisson e Adrian, që mbërriti në Merseyside në verë nga Ëest Ham e është përdorur nga Jurgen Klopp në shtatë nga 10 ndeshjet e para të Premier League e në finalen e Super Kupës në vend të brazilianit, që ishte dëmtuar. Ndeshja e fundit e Karius me fanellën e Liverpool është ajo e finales makth të Champions League në 2018: ato dy gola të dhuruara Real Madrid e bëjnë ende të urrehet nga tifozët e Reds që, nuk kanë si ta presin mirë rikthimin e “Kalamity Karius”.

Lini një Përgjigje

Adresa juaj email s’do të bëhet publike.

Kthehu