Partizani kryeson, por është pak të thuash se situata në kampin e të kuqve zien. Konflikti mes dy teknikëve të Partizanit ka sjellë pështjellim në kampin kryeqytetas, aq sa për të qetësuar ujërat ka menduar drejtori sportiv Olsi Rama, në ndërhyrjen e tij në emisionin Rubrika Sportive në RTSH. Drejtuesi i lartë ka tentuar të ulë tonet, duke e konsideruar një debat të thjeshtë për cështje pune.
“Debatet janë pjesë e punës, shoqërojnë një punë, kudo të jetë, jo vetëm në sport. Pas ndeshjes, mund të ketë pasur momente pakënaqësie për barazimin, ka pasur një debat, por që u mbyll aty. Isha prezent. Nuk kishte grusht, sepse isha prezent, por ishte një debat që u kërkua llogari. Të gjithë kanë më eksperiencë më shumë se unë në futboll, por është një rregull i pashkruar, që nuk flitet në pushim, apo pas ndeshjes, pasi të gjithë duhet të ulin ritmin e të përqendrohen”.
Lerda, sipas asaj që u pa gjatë ndeshjes, po edhe u kuptua, ka qenë nervoz gjatë gjithë kohës dhe është konfrontuar edhe me teknikun kundërshtar Shpëtim Duro. “Lerda e shpjegoi, pse iu drejtua Duros, por lojën e ndal vetëm arbitri, sipas FIFA-s – shpjegoi Rama -. Kur i drejtohet Duros, më duket edhe si Spalletti, e i thotë Duros: “Ti ke qenë dhe trajner i Partizanit, si ke mundësi që ke kaq flokë”…