Konflikti mes teknikut italian Franco Lerda e asistentit Dritan Mehmeti ka përfunduar me shkarkimin e këtij të fundit, por vetëm sipas mediave, sepse Mehmeti ka reaguar i kontaktuar nga Lapsi, duke saktësuar se është ende i Partizanit: “Nuk ka asgjë të vërtetë në lidhje me një shkarkim të mundshëm. Janë situata pune, në të cilat fërkimet janë të pranushme, por që nuk vihet në dyshim profesionalizmi i palëve”.
Mungesa e Mehmetit në seancën e fundit stërvitore në Elbasan, ku Lerda doli në fushë i shoqëruar vetëm nga ndihmësi Italian, ka aluduar për një vendim të marrë nga Partizani mbi incidentin e ndodhur gjatë ndeshjes mes Partizanit dhe Kukësit, ku trajneri Lerda dhe ndihmësi i tij Mehmeti u përplasën në një debat të egër ku nuk munguan fyerjet: “Nuk është ashtu – shpjegoi Mehmeti -. Mungesa ime ishte për arsye personale dhe këtë ja kam shpjeguar klubit”.
Është e kuptueshme deri diku. Partizani ka marrë kohë, duke tentuar të mos pozicionohet në krah të askujt në kontradiktën e krijuar mes teknikut italian e asistentit të tij, me shpresën se gjërat do të shkojnë vetë në vend. Nuk është hera e parë që drejtuesit e klubit kampionpërfshihen në këto situata që lidhen me tekniku Lerda, edhe pse në daljen në emisionin Rubrika Sportive, drejtori sportive, Olsi Rama, zbuti tonet…