Është identifikuar njëri nga autorët e vrasjes së 34-vjeçarit Eri Zefi, pak javë më parë në fshatin Zallë Xhuxhë në Fan të Mirditës. Mësohet se është shpallur në kërkim shtetasi Mikel (Gjovalin) Alia, shok me viktimën.
34-vjeçari u gjet i ekzekutuar me 6 plumba në një kanal në fshatin Zall-Xhuxhë të Mirditës. Në trupin e viktimës u konstatuan shenja dhune. Burime zyrtare thanë se Zefi mund të jetë marrë peng dhe më pas të jetë vrarë pranë Rrugës së Kombit.
Viktima u gjet rastësisht nga banorët e zonës, të cilët lajmëruan menjëherë Policinë. Pista e parë ku po hetohet është ajo e hakmarrjes, pasi vëllai i 34-vjeçarit, Ndue Zefi vrau mëngjesin e 24 shkurtit në qytetin e Durrësit, fqinjin e tij, Martin Ndreca, pasi ky i fundit i kishte ofenduar familjarët.
Aktualisht, Policia po punon për identifikimin e autorit tjetër të përfshirë në vrasje. ©Lapsi.al