Një tjetër aksident është regjistruar këtë pasdite në një nga rrugët e vendit.
Nga informacionet paraprale mësohet se një automjet ka dalë nga rruga në aksin Librazhd-Përrenjas dhe është përmbysur, duke shkaktuar lëndimin e dy personave.
Aksidenti është lokalizuar në vendin e quajtur “Kthesat e Pishkashit”.
Të plagosurit, shoferi dhe pasagjeri, identiteti i të cilëve nuk dihet, janë transportuar për të marrë ndihmën e nevojshme drejt spitalit, ku ndodhen jashtë rrezikut për jetën.
Nga të dhënat e deritanishme, dyshohet se shkak i aksidentit ka qenë shpejtësia e mjetit (me targa AA158UN), që ka çuar në humbjen e kontrollit nga ana e shoferit.
Policia ndodhet në vendin e ngjarjes për të kryer zbardhjen e shkaqeve të aksidentit. ©Lapsi.al