• |
ide | kryesore

Arena Kombëtare nuk është gati: shtyhet ndeshja test, por jo Franca

Sport

Do të luhet, apo jo, në Arenën Kombëtare kjo është cështja! Do të luhet në fakt, sipas të gjitha gjasave, por zhurma e krijuar pas inspektimit të fundit të specialistëve të UEFA-s nuk është e kotë. Impianti nuk është ende gati dhe kërkon pak më tepër kohë se sa mendohej, edhe pse kjo nuk do të thotë se kampionët e botës nuk do të zbresin në stadiumin e ri të kryeqytetit. Shqipëri-Francë do të luhet në 17 nëntor në Tiranë, në Arena Kombëtare, por gjërat nuk janë gati dhe ndeshja test është shtyrë me një javë nga programi.

Sipas asaj që bën të ditur Federata Shqiptare e Futbollit, “ndeshja e kampionatit të femrave, Vllaznia-Apolonia, e planifikuar për tu luajtur në stadiumin e ri kombëtar ditën e dielë, datë 3 Nëntor, ora 19:00, do të spostohet për të dielën e ardhshme”.

Duke qënë se është kryer një rimbjellje e fushës për periudhën e dimrit, pas konsultave me kompaninë greke e cila ka kryer shtrimin dhe mirëmbajtjen e tapetit të fushës, “u vendos sëbashku me zbatuesin që ndeshja të spostohet për të pasur një fushë në gjëndje optimale në prag të ndeshjes inaguruese që do të zhvillohet më datë 17 Nëntor, kundër Francës”. Ky është versioni zyrtar që e con Vllaznia-Apolonia, për kampionatin e futbollit të femrave në datë 10 Nëntor, ekzaktësisht një javë para kualifikueses me Francën.

Lini një Përgjigje

Adresa juaj email s’do të bëhet publike.

Kthehu