Kush është prokurori Arjan Ndoja, shenjestra e atentatit në Durrës

Arjan Ndoja, shenjestra e atentatit të para pak minutave në Durrës, është prokurori që u vu në qendër të vëmendjes së opinionit publik, pas u shigjetua nga kreu i ekzekutivit, Edi Rama dhe zv.kryeminsitri, Erion Braçe, për lidhje me krimin e organizuar.

Këto deklarata u kryen pas arrestimit të ish-drejtorit të Kadastrës së Durrësit, Liridon Pula, tashmë i liruar, për akuzën e “shpërdorimit të detyrës”. Ndoja u sulmua nga Rama dhe Braçe pikërisht sepse ishte prokurori  që kishte marrë nën shqyrtim dosjen e hetimit mbi Pulën.

Megjithatë, krahas pretendimeve të ngritura nga dy eksponentët e qeverisë, disponohen disa fakte që dëshmojnë shkeljet e mëparshme të Ndojas me detyrën.

Më 19 korrik 2018, Ilia Ilia, avokati që ka mbrojtur Lul Berishën u dhunua fizikisht nga dy persona teksa po dilte nga Gjykata. Avokati akuzoi se pas ngjarjes fshihej prokurori Ndoja, me të cilin ka debatuar gjatë një seance gjyqësore.

“Kam dalë nga seanca gjyqësore e Gjykatës së durrësit rreth orës 10:30 dhe po ikja nga Prokuroria. Më del një person përpara dhe më thotë ti je ai që i ke bërë karshillëk prokurorit Arjan Ndoja dje në seancë gjyqësore, ke bërë të fortin. I thash kush je ti, ai më ofendoi, i ktheva të njëjtën përgjigje. Jam goditur nga ky dhe personi tjetër që erdhi. Dje në seancë gjyqësore më kanosi prokurori.”-u shpreh avokati Ilia.

Policia bëri identifikimin e njërit prej autorëve që dhunoi Ilian, Mondi Vogës, është miku i ngushtë i prokurorit Ndoja (shiko foton).

Ndaj Ndojës nisi një hetim asokohe nga Prokuroria, por ai ia doli të shfajësohej duke thënë se me avokatin Ilia ka patur thjesht  një debat verbal.

Ndoja dhjetëfishoi pasurinë në 4 vite

Ndoja është emëruar prokuror në qytetin e Durrësit në vitin 2008, pasi ish-kryeprokurori Theodhori Sollaku e shkarkoi atë nga detyra. Gjatë periudhës që nuk ushtronte detyrën e prokurorti, Ndoj u angazhua në fushën e avokatisë.

Gjatë 4 vjetëve që pasuan, sipas të dhënave zyrtare te “Open Data”, Ndoja ka arritur që të dhjetëfishojë pasurinë e tij, nga 20 mijë euro dhe 200 mijë lekë në plot 760 mijë euro. Arsyetimi i prokurorit është se pasuria është siguruar nga puna e tij si avokat, profesion që është ka ushtruar për vetëm 3 muaj.

Ndërkohë, pasuria e tij ka vijuar të shtohet përgjatë viteve. Në 2016-n, Ndoja ka deklaruar se kishte në pronësi 21 apartamente në Shëngjin, bodrume, vreshta, si dhe një truall në Krujë. ©Lapsi.al