• |
ide | kryesore

Atentati ndaj prokurorit, çfarë dihet deri më tani nga hetimet

Lajme, Të fundit

Tre ditë pas atentatit mafioz në Durrës ndaj prokurorit Arjan Ndoja, janë shoqëruar në polici dy persona, të dyshuar nga Fushë-Kruja. Ata po mbahen në Drejtorinë e Policisë së Tiranës, por ende nuk dihet roli i tyre në këtë ngjarje.


Po kështu, mediat raportojnë se Laboratori Policisë Shkencore ka dalë në përfundimin se “gëzhojat e gjetura në vendngjarje përputhen me armët e gjetura në makinën e braktisur në Ishëm”.


Burime nga grupi hetimor pohuan për “ABC News” se nga kryerja paraprake ka rezultuar një përputhshmëri e lartë, pasi gëzhojat e gjetura në vendngjarje janë qëlluar nga armët tip Kallashnikovë të lëna në mjetin e braktisur në Shkafanë të Ishmit.

Ekspertët e balistikës në Policinë e Shtetit do të bëjnë edhe në një krahasim të dytë për të hequr çdo dyshim mbi përputhshmërinë e gjilpërës së automatikut Kallashnikov model 56 dhe shenjës së lënë në kapsollen e gëzhojeve të gjetura te mbikalimi i Shkozetit.

Në atentatin e tipit mafioz të së premtes ndaj prokurorit Arjan Ndoj, shoferit Andi Maloku dhe mikut të tyre Aleksandër Laho, i njohur ndryshe si Pëllumb Muharremi apo me pseudonim “Rrumi” dyshohet se u qëllua nga dy armë të ndryshme.

Automjeti që autorët u larguan në drejtim të Ishmit, tip Mercedes Benz me targa AA 342 LM ishte vjedhur në Tiranë dy javë më parë. Në të njëjtin mjet gjithashtu u gjetën edhe prova të tjera, si maska, fije floku dhe gjurmë papilare të lënë te një bidon plastike me benzinë.

Pikëpyetjet e grupit hetior janë të shumta pasi, nga koha kur ndodhi atentati rreth orës 16:25, policia mbërriti rreth 20 minuta më vonesë. Të gjitha veprimet e drejtuesve të policisë së Durrësit po verifikohen nga Shërbimi për Çështjet e Brendshme dhe Ankesave pasi zona monitorohet me patrulla të lëvizshme policore gjatë 24 orëve.

Pista kryesore për të cilën po heton policia për ngjarjen, është konflikti për pronat në Gjirin e Lalzit, ku Pëllumb Muharremi dhe persona të tjerë pretendonin të investonin. Personat me të cilët “Rrumi” ka pasur konflikt për pronat, mes të cilëve dhe Plarend Dervishi, janë shoqëruar që ditën e ngjarjes nga policia dhe janë lënë të lirë pasi kanë pasur alibitë e tyre.

1 Comment

  1. na cate karin me kete lajm 5 dite ,vafshin ne pidh te motres keta ,te tjeret si keta bashke me te gjithe politikanet varikarsa e injorante qe kemi

Lini një Përgjigje

Adresa juaj email s’do të bëhet publike.

Kthehu