750 mijë euro të sekuestruara, pasuri që buronin nga aktivitete kriminale, i përkisnin shtetasit italian Ferdinando Muollo, 56 vjeç, pjesëtar i bandës së rrezikshme në Itali, “Camorra”-s, por edhe porositës i një vrasjeje.
Muollo (foto bashkëngjitur më poshtë) rezulton një emër problematik për drejtësinë italiane. 56-vjeçari ishte dënuar në vendin e tij me 8 vjet burg, pasi kishte qenë pjesë e konflikteve mes klaneve kriminale kamorriste në zonën e Napolit.
Sipas policisë shqiptare, shtetasi italian ishte me leje qëndrimi në Shqipëri dhe ushtronte aktivitetin tregtar si vijon:
Në vitin 2015 ka regjistruar shoqërinë me objekt prodhimi dhe tregtimi i pajisjeve mjekësore-kirurgjikale për larje dhe dezinfektim ambientesh, ku 45 % të kuotave i posedon F.M.
Në vitin 2015 ka regjistruar shoqërinë me objekt laboratore dentare, ku F. M. ka 30 % të kuotave.
Më datë 29 tetor 2019, Gjykata e Rrethit Gjyqësor Durrës miratoi kërkesën e prokurorit të Rrethit Gjyqësor Durrës dhe vendosi sekuestron preventive të pasurive të paluajtshme dhe të luajtshme të shtetasit Italian F. M., vlera e të cilave paraprakisht përllogaritet 750 000 euro.
Këto pasuri përfshijnë:
- 5 apartamente banimi, me sipërfaqe 413.8 m2, në Durrës;
- 13 garazhe me sipërfaqe 622.7 m2, në Durrës;
- 1 automjet me vlerë 40 000 Euro;
- afro 10 000 euro llogari bankare.
DUHET TE JETE NGA ATA QE RAMA E THOSHTE SE NE SHQIPERI VJEN ITALIANET DHE TE HUAT SE JEMI PARAJS KJO ESHTE E VERTET PER RAMEN KETE ITALIANIN DHE SHOKET E TYRE ESHTE PARAJS E PERKOHESHME POR JO SHUME SEPSE DHE RAMA ATJE DO PERFUNDOJ