• |
ide | kryesore

Shpenzimet e majme të Bashkisë së Tiranës: 200 mijë € vetëm për aparate fotografike e dronë

Lajme, Të fundit

Institucionet e qeverisjes së vendit i kushtojnë një rëndësi të dorës së parë imazhit që sendërtohet në publik dhe reklamimit të aktiviteve të tyre të ndryshme, me qëllim propagandimin e veprimtarisë së kryer, nga mbjellja e një peme e deri tek dhënia e bonusit për fëmijët e porsalindur.


Janë pothuaj të përditshme rastet kur kryebashkiaku i Tiranës, Erion Veliaj, shfaqet në edicionet informative përmes kronikave të montuara nga zyra e shtypit të institucionit që drejton. Veliaj shihet rëndom duke marrë pjesë në inspektimin e punimeve në kryeqytet, apo me lopatë duke hapur me mundim vend për mbjelljen e një peme, edhe në zona të mbigjelbëruara, ndërkohë që nga ana tjetër, përkundër premtimit të tij elektoral, janë dhënë me qindra leje ndërtimi për të thelluar betonizimin e Tiranës.


Mirëpo, krahas mungesës së transparencës për menaxhimin e të ardhurave apo për shpikje “sui generis”, siç është taksa për ndërtimin e shkollës që paguhet në faturën e ujit, shkrepja e fotove që aktivitetet të dalin sa më bukur, kushton miliona lekë. Shpura e kameranëve, fotografit e montazhierit mobilizohen çdo ditë për çdo aktivitet, që te publiku të jepet përshtypja se “këtu po bëhet punë”.

Tendera të shumtë dhe para me thasë harxhohen pa hesap për të blerë aparate fotografike dhe dronë.

 

Të dhënat e Open Data

Sipas kërkimeve të bëra në “Open Data” shihet që bashkita e Tiranës ka shpenzuar më shumë se 200 mijë euro vetëm për aparate fotografikë, lente e drone.

Shumat e parave haxhohen si pjesë e atributeve që ua jep ligji, por në një vend si Shqipëria, ku mijëra familje jetojnë nën minimumin jetik dhe ku “përndiqen” shitësit ambulantë, këto janë shpenzime tej mase të tepruara, sepse nuk ka vend për publicitet, aq më pak për punët vendore. Qytetarët janë në kontakt të pandërperë me rrugët, shërbimet e njësië vendore etj, dhe mund ta gjykojnë në këtë mënyrë “drejtpërdrejt” mirëqeverisjen e kryeqytetit. ©Lapsi.al

 

5 Comments

  1. LAL FIQI QE I BENE DASMEN NENA LA PLEHU REGJIZORI I SKEMES GRISELDA, LAL PLEHU I KULLAVE SHUME KATESHE DHE KJOSKAVE NE TIRAN LAL PLEHU 99-SH

  2. ishaaaaaaaaallah po jua rrit prape taskat e ujit, qirsae, dritave, pastrimit, gjelberimit, pyllezimit, makinave, diellit, shiut dhe hijes! Ju tironcve dhe tiranasave qe e votut!

  3. Pyeteni lejfenin , jane te vjetra apo te reja keto eurot ?
    Sepse lefenizmi dhe patetizmi i genjeshtres tek ky monster nuk ka fund , edhe tek eurot flet me te reja dhe te vjetra .

  4. Eshte bere bashkia si kinostudio ne ate kohe. Do me I mbush mendjen qytetareve per arritjet e medha me filmime me dron e me kaseta qe I con TV-ve. Ne vend qe te hapi cerdhe e shkolla ne lagjet e reja te tiranes, (Kopshti zoologjik, liqeni thate, kashar ,Linze), te shikoj problematikat e trafikut ne Tirane dhe te japi ndonje zgjidhje. Asgje vetem llafe dhe fasada (kend lojrash per femije apo mbjellje pemesh) nderkoh lejet per ndertimet jane shumefishuar dhe per trafikun e renduar nuk flet asnjeher dhe nuk jep asnje zgjidhje. E shkaterruat kete vend e kete popull.

Lini një Përgjigje

Adresa juaj email s’do të bëhet publike.

Kthehu