Nuk i ka marrë era fjalët e ashpra të Antonio Conte, në përfundim të ndeshjes së Champions kundër Borussia Dortmund. Inter menjëherë ka lëvizur në merkato në kërkuim të përforcimeve që i duhen teknikut për të ndjekur objektivat sezonale. Sidomos në sulm ku, me Sanchez të dëmtuar, ka nevojë emergjente për një lojtar që ti japë frymëmarrje Lukaku e Lautaro, që në këo javë janë duke bërë sakrifica. Emri në majën e listës së drejtuesve zikaltër është ai i Olivier Giroud, në skadencë me Chelsea e gati të transferohet në Milano.
Sulmuesi francez ka një pagë të rëndë, rreth 8 milionë në sezon, por i ka dhënë aprovimin Inter e disponibilitetin të negociojë transferimin. Do të ishte lojtari ideal për Conte. Në radhë të parë sepse ka ekpserincë të madhe ndërkombëtare – atë për të cilën u ankua tekniku në Dortmund -, shënon me rregullsi e në fund sespe prej ndonjë sezoni është mësuar të luajë part time e gjithnjë me rendiment të lartë.
Por Giroud është vetëm i pari nga lojtarët që zikaltrit ndjekin, sepse në mesfushë kërkohen Vidal e Rakitic, pa lënë mënjanë fokusin tek Kulusevski, protagonist i një fillim sezoni të rëndësishëm. Në mbrojtje Lazaro mund të jetë në dalje pas vetëm 6 muajsh, ndërsa Darmian e Florenzi kanë përfunduar në vëzhgimin e Conte e Marotta.