• |
ide | kryesore

PD falenderon Metën: Koorporata e Investimeve projekt kriminal

Arkiva, Lajme, Të fundit



Jorida Tabaku reagoi duke përgëzuar Metën i cili vendosi të kthejë në parlament ligjin për Koorporatën e Investimeve.

“Akti i presidentit ndonëse i dobishëm është shpresëpak pasi mazhoranca e drejtuar nga PROSSH (Partia e Rilindur e Oligarkëve Socialistë të Shqipërisë) duke përfituar nga mungesa e Gjykatës Kushtetuese do ta rrezoje perseri kete ligj siç ka bërë me shumë të tjerë të kthyer nga presidenti”, shkruan ajo.

Statusi i plotë i Tabakut në facebook

Gjatë vitit të fundit Partia Demokratike ka zhvilluar një betejë me fakte, të dhëna dhe argumenta se pse Korporata e Investimeve është një projekt antikushtetues dhe grabitqar.
Në betejën tonë nuk kemi qenë vetem. Institucionet ndërkombëtare duke nisur nga BB, FMN dhe BE kanë reaguar duke kërkuar që ky ligj të mos miratohet sepse është në dëm të interesit publik dhe mbledh fuqi në duar të një individi.
Sot dhe Presidenti i Republikës reagoi duke mos e dekretuar ligjin.

Duke përshëndetur aktin e tij, gjej rastin të paraqes arsyet kryesore përse Korporata e Investimeve është një projekt kriminal në kurriz të shqiptarëve.

Së pari, kanalizon çdo pronë publike dhe private në duart e kryeministrit (Arkitektit real të këtij projektligji).

Së dyti, me pushtetin ndaj çdo prone publike dhe/ose private në vend, kryeministri do të shpërndajë pronat tek oligarkët.

Në këtë mënyrë do marrë tagrin që në vazhdim të koncesionojë edhe shpatet e maleve.

Akti i presidentit ndonëse i dobishëm është shpresë pak pasi mazhoranca e drejtuar nga PROSSH (Partia e Rilindur e Oligarkëve Socialistë të Shqipërisë) duke përfituar nga mungesa e Gjykatës Kushtetuese do ta rrezoje perseri kete ligj siç ka bërë me shumë të tjerë të kthyer nga presidenti.
KISH është akti parafundit dhe pas tij do të vijë ligji i shpronësimeve që do zhvlerësojë pronën private.

Koha për sugjerime, amendime e këshilla ka kaluar. Kur çdo ligj që votohet është në dëm të interesit publik, kur nuk miratohet një ligj i vetëm që t’i japë prioritet të pamundurit, pronarit, studentit e fermerit. Përherë ligjet e kësaj mazhorance janë anti-treg dhe në favor të një grupi të vogël atëherë kjo nuk quhet më qeveri e njerezve dhe për njerezit!

Koha e kësaj qeverie ka mbaruar dhe në arrogancën e vendimeve të atyre që po largohen po bejnë dëm buxhetit ta shtetit dhe pronave të shqiptarëve. Kushdo që abuzon do paguajë. Kushdo që perfiton nga burimet shteterore do paguajë.



4 Comments

  1. Më së pari lidhur me këtë shkrim, përgëzoj zonjën e nderuar Tabaku se ja ka gjetur emrin më të përshtatshëm klikës qeverisëse të Ramës duke e quajtur me emrin që e meriton :
    PROSSH – (Partia e Rilindur e Oligarkëve Socialistë të Shqipërisë)
    Boll me emërtimin e klikës së Ramës, me emrin e nderuar të “Rilindjes”
    Faktikisht PROSSH, nuk është veçse ripjellja e oligarkëve të Bllokut të ish PPSH, ku ligjin e bënte diktatori e jetën e shqiptarëve e kishin në dorë Antarët e Byrosë Politike të PPSH.
    Ndërkaq titulli i shkrimit më duket abuziv.
    Duke lexuar këtë titull, lexuesi i pa informuar krijon përshtypjen se paskej qenë presidenti Meta ai që paskej “zbuluar” se “Ligji për Korporatën e Investimeve” është jo kushtetues , e Partia Demokratike nëpërmjet znj.Tabaku e paskej përgëzuar presidentin për këtë zbulim.
    Nga shkrimi del kjartë se presidenti është përgëzuar pasi i është përgjigjur kërkesës së drejtë të PD e jo e kundërta siç le për të kuptuar titulli.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *