“Gjiganti” i Salzburg, Erling Haaland, megjithë ortekun e golave me të cilin po zhvillon sezonin e tij, është ende një djaloshi ri dhe si i tillë ka disa sjellje disi të veçanta: siç ka zbuluar ‘Dagbladet ’, norvegjezi fle me topat e ndeshjes.
“Ata ndodhen mbi shtratin tim dhe unë fle mirë me ta. I shikoj ato çdo ditë. Gjëja më e mirë është të shënosh gola. Në Salzburg janë pesë topa, ata janë të dashurat e mia (qesh).”
Topat, të cilave i referohet Haaland, nuk janë të zakonshëm, por topat që i ka fituar në fushë duke shënuar tri gola në një ndeshje: në fakt, në sezon, tashmë janë 5 trigolësha të realizuar nga norvegjezi dhe 26 gola në 18 ndeshje. Haaland nuk është sigurisht sulmuesi i parë që ka një marrëdhënie të veçantë me golin: Gary Lineker, për shembull, nuk gjuante kurrë para ndeshjes, sepse nuk donte të harxhonte ‘fishekët’ për të shënuar gjatë takimit.
Pavarësisht zakoneve që lidhen me moshën, lojtari i ri i talentuar i Salzburg është tërheqës për të gjitha klubet më të rëndësishme në botë dhe zërat e merkatos flasin shumë për të. Pas ndeshjes kundër Wolfsberger, vetë sulmuesi kishte vendosur çmimin për transferimin e tij të mundshëm, por i pyetur për këtë nga gazetarët e “Dagbladet” ai ka preferuar të shmanget.
“Unë lidhem mirë me zërat e merkatos. Juventus, Manchester dhe Real Madrid? Nuk kam asnjë koment. Të luaj me Ronaldon? Asnjë koment”, tha prerë Haaland.