Një 32-vjeçar është arrestuar në Peqin pasi ka goditur mjekun teksa ishte në gjendje të dehur.
Lexo më tej:
Mjekët: Ashpërsimi i Kodit Penal nuk e ndal dhunën ndaj nesh
Dhuna ndaj mjekut, bluzat e bardha në protestë: Jemi të kërcënuar çdo ditë
Njoftimi:
Godet mjekun e spitalit në Peqin, vihet nën pranga nga Policia 32-vjeçari.
Specialistët për Hetimin e Krimit në Komisariatin e Policisë Peqin bënë arrestimin në flagrancë të shtetasit A. K., 32 vjeç, banues në Peqin.
Ky shtetas ka shkuar në spitalin e Peqinit dhe nën efektin e alkoolit ka goditur për shkak të detyrës mjekun Y. T.
Pas marrjes së njoftimit, shërbimet e Policisë Peqin kanë shkuar menjëherë në vendngjarje, ku kanë bërë kapjen dhe arrestimin e autorit.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.