José Mourinho nuk humb kohë, prezantohet dhe jep intervistën e parë si trajner i Spurs për tv zyrtar të Tottenham: “Cfarë mund të premtoj? Pasion, pasion të vërtetë: për punën time, por edhe klubin – ka thënë Special One – Skuadra më pëlqen vërtetë shumë. Në Premier jemi në një pozicion që nuk na takon. Duhet të mendojmë ndeshje pas ndeshje: të fitojmë, fitojmë e akoma të fitojmë. Në fund do bëjmë llogaritë, por jam i sigurtë se klasifikimi do të jetë ndryshe”.
Mourinho ka marrë garanci se do ti vendoset në dispozicion një buxhet i përshtatshëm për të ndërhyrë në merkato, që në janar, por i pëlqen që do të punojë me të rinjtë. “Nuk ka menaxher në botë që të mos i pëlqejë të punojë me të rinjtë e ti ndihmojë të rriten – ka shtuar portugezi – Problemi është se ndonjëherë shkon në një klub ku puna poshtë teje nuk është aq e mirë sa për të prodhuar këta lojtarë, por kur i ke, trajnerët janë gjithnjë të lumtur ti ndihmojnë të maturohen”.
Special One ka mbetur i impresionuar nga stadiumi i ri dhe qendra stërvitore: “Është stadiumi më i mirë në botë, kjo është e vërtetë. Qendra stërvitore nuk është e dytë ndaj askujt, ndoshta mund ta krahasosh me ndonjë fushë stërvitore të American Football, por këtu në Europë nuk ka asgjë të ngjashme”.
Jose ? Hotspur Way
? Watch the full video of our new Head Coach's first training session exclusively on the Spurs Official app. #THFC ⚪️ #COYS
— Tottenham Hotspur (@SpursOfficial) November 20, 2019