Jashtë në më pak se 30 minuta. Disa ende me uniformë, pa patur mundësinë të bëjnë as dush. Basketbollistët e Jazz e Warriors, si të gjithë 18.306 spektatorët prezentë, janë evakuuar me shpejtësi nga Vivint Smart Home Arena e Salt Lake City pak minuta pasi Utah mposhti 113-109 Golden State. Zona u mbyll për kontrolle e për të vendosur sigurinë.
Ndeshja kishte përfunduar vetëm pak minuta më parë, kur një pako e dyshimtë është gjetur në një nga restorantet brenda arenës së Jazz. Një qen anti-bombë ka dhënë sinjal pozitiv, duke bërë që të startojë menjëher evakuimi. Lojtarët e të dy skuadrave kanë lënë me vrap dhomat e zhveshjes e janë larguar me autobusët e tyre në më pas se 30 minuta nga fundi i ndeshjes. U anulluan konferencat për shtyp (protokolli i Nba parashikon që dy trajnerët të takohen me gazetarët jo më shumë se 20 minuta nga fundi i ndeshjes), ndërsa u evakuuan edhe gazetarët e tifozët.
Man! Everyone get home please!! https://t.co/wGKcl3GOV6
— Joe Ingles (@Joeingles7) November 23, 2019
“Futuni në vend të sigurtë nëse jeni brenda apo përreth arenës” ka postuar Joe Ingles, australiani i Utah. Zona përreth Arneës mbetet e mbyllur ndërsa autoritetet vazhdojnë kontrollet.
Pas dy orë kontrollesh e testimesh, policia e Salt Lake City ka lejuar kthimin e punonjësve në impiant. Ndërkohë, lojtarët e Jazz ishin kthyer në shtëpi e ata të Warriors në avionin që do ti kthente në San Francisco.