Cristiano Ronaldo është përsëri në shënjestër pas paraqitjes pa lënë gjurmë të martën në mbrëmje ndaj Atletico Madrid në Champions League. Sulmuesi portugez nuk është në formën e tij më të mirë dhe duhet të administrohet në ndeshjet e ardhshme për të rekuperuar plotësisht problemi në gju. Gjashtë golat e tij në 15 ndeshje, vetëm një në pesë ndeshje të Champions, janë një rënie shumë e madhe duke marrë në konsideratë numrin e golave në dhjetë sezonet e kaluara, gjë që e vendos portugezin nën zjarrin e kryqëzimit të opinionistëve.
Më i ashpër me të, edhe një herë është, Fabio Capello, që, pasi e ka sulmuar dy javë më parë për mikrofonët e Sky, është kthyer të shënjestrojë CR7. “Tashmë Cristiano Ronaldo ka humbur shpejtësinë dhe sprintin. Në atë kundërsulm në kohët e Real Madrid do të kishte shkuar në portë e do të shënonte gol, tani rikuperohet nga mbrojtësit. Më lejoni të jem i qartë, brenda zonës është përsëri numri një, më i miri në Botë. Por vuan mbulimin e mbrojtësve. Duhet të niset nga jashtë, sepse nuk mund të bëjë qendërsulmuesin si Higuain”, ishin fjalët e Don Fabios që nuk mund të kalonin pa debat.
Mbrojtësi i Ronaldos këtë herë ka qenë Sarri, i cili është shprehur kështu për situatën e portugezit: “Fizikisht e kam parë mirë, edhe në fund ka kërkuar të na japë një dorë. Shihet që ka ende për të shpenzuar. E lashë në qendër sepse shpresoja të gjente golin që do të mund ta zhbllokonte”.