Një ditë pas akuzës së Romelu Lukaku se ka pësuar kore raciste në ndeshjen e Champions, Slavia Praga-Inter, ka mbërritur përgjigja e ashpër e klubit cek që mohon plotësisht pretendimin e ngritur nga sulmuesi zikaltër: “Mohojmë plotësisht akuzën për kore raciste brenda stadiumit – lexohet në komunikatë -. Kemi analizuar edhe njëherë pamjet filmike të disponueshme e asgjë nuk e konfirmon deklaratën e Lukaku. Do të ishte e drejtë që të kërkonte ndjesë për fjalët e tij”.
Denoncimi i Lukaku bie kështu në zbrazëti. Pas Uefa, që kishte vendosur të mos hapte një hetim në lidhje me këtë gjë, për sa kohë as arbitri e as delegati Uefa nuk i kishin dëgjuar koret raciste drejtuar sulmuesit belg, tani mbërrin pozicionimi zyrtar i Slavia që, në një komunikatë të ashpër për shtyp, pretendon tani ndjesën e sulmuesit të Inter.
We must reject that there has been racist chanting of the whole stadium. We analysed available footages, and none confirmed Mr Lukaku’s statement. The club has already apologised for individuals’ behaviour and it would be appropriate for Mr Lukaku to apologise for his words too. https://t.co/6luusPP1tC
— SK Slavia Prague EN (@slavia_eng) November 29, 2019