• |
ide | kryesore

“Prisja rastin prej katër vjetësh, në derbi e bëra Materazzi për spital”: Ibrahimovic kujton derbin e hakmarrjes

Sport

Zlatan Ibrahimovic nuk është nga ata që rrudhin gojën kur flasin e në një intervistë për GQ ka kthyer në kujtesë një derbi të Milanos, duke dëshmuar edhe njëherë karakterin e fortë dhe agonizmin që e ka mbajtur kaq gjatë në nivele të larta: “Të luaja dhe jetoja në Itali më bëri të jem lojtari që jam sot, Capello më ka mësuar gjithcka. Cdo ditë pas stërvitjes me vinte para portës me 5-6 mbrojtës e për rreth një orë godisja me kokë krosimet në zonë. Pastaj kalova tek Inter, skuadra ishte shumë e fortë: donin të fitonin e kishin nevojë për ndihmën time”.


Por Ibra si Ibra, nuk mund ta kalonte pa treguar forcën, me një situatë që i referohet derbit të famshëm të 2010, por që nis nga shumë më larg: “Në një Juventus-Inter të 2006 dola nga fusha për një ndërhyrje vrasëse të Materazzi. Kur kalova tek Milan, gjatë derbit, në pjesën e dytë Materazzi po më sulmonte dhe atëherë bëra një lëvizje taekëondo. E cova në spital. Stankovic më pyeti: ‘Përse e bëre?’ e unë iu përgjigja: kam pritur këtë moment për katër vjet. Ja përse”.

Lini një Përgjigje

Adresa juaj email s’do të bëhet publike.

Kthehu