Atletico Madrid i Diego Pablo Simeone nuk del dot nga një moment delikat të sezonit të tij e në ndeshjen hapëse të javës së 16 të La Liga nuk shkon më shumë se 0-0 në fushën e Villarreal. Rasti më i mirë për Colchoneros është shtylla e goditur në fillim të takimit nga Joao Felix. Atletico Madrid me 26 pikë, momentalisht bashkë me Athletic Bilbao e Real Sociedad, është tashmë pesë pikë larg Barcellona e Real Madrid në krye të kampionatit.
Barazimi ishte rezultati i vetëm që nuk i shërbente askujt, e megjithatë është piëkrisht rezultati final mes Villarreal e Atletico Madrid. Vendasit morën pikën e dytë në 6 ndeshjet e fundit, Simeone koleksionoi ndeshjen e tretë radhazi pa fitore e rrezikon të përfundojë -8 nga Real Madrid e Barcellona në fund të kësaj jave kampionati.
Pjesa e parë kishte një rast të rëndësishëm për të dy formacionet: e nisi Joao Felix inkursioni i të cilit përfundoi me goditjen e stampuar në shtyllë, pa tronditur rezultatin e ndeshjes. Villarreal u përgjigj me Trigueros, por i përhershmi Oblak shpëtoi situatën për Simeone. Pas rifillimit Atletico vazhdoi të provonte, me Joao Felix më aktivin ndër Colhoneros, por as talenti e veprimet e tij, nuk arrijnë të prishin ekuilibrin e kësaj sfide. Mundësia e fundit ishte pikërisht në këmbët e portugezit, që nuk gjeti dot kuadratin e kështu Atletico Madrid vijon të ketë paqartësi e luhatje forme, që japin mungesë sigurie mbi kondicionin e tyre.